ཁ་མིག་ཡར་ལྟ།

ཁ་མིག་ཡར་ལྟ། -དབྱར་དགུན་གཉིས་ཀྱི་གུང་གསེང་གི་སྐབས་ནི་སློབ་ཕྲུག་དག་ལ་མཚོན་ན་ཤེས་བྱའི་འཐུས་སྒོ་ཚང་རུ་གཏོང་བ་དང་ཤེས་བྱ་གསར་བ་སློབ་རྒྱུའི་གོ་སྐབས་བཟང་པོ་ཞིག་ཡིན་མོད། ཡིན་ནའང་དོན་འབྲས་ལྡན་པའི་ཟབ་སྦྱོང་ཞིག་སྤེལ་བར་མ་མཐའ་ཡང་སློབ་ཁང་དང་དགེ་རྒན།སློབ་ཆས་སོགས་ཀྱི་མཐུན་རྐྱེན་མང་པོ་ཞིག་འཛོམས་དགོས་པས་མི་གཅིག་གིས་སྒྲུབ་ཆོག་ཆོག་ཅིག་ཀྱང་མ་རེད།ཡིན་ནའང་མི་མང་པོ་ཞིག་གིས་མཉམ་རུབ་ངང་ལས་ཀ་བྱས་པ་ཡིན་ན་ཟབ་སྦྱོང་ཞིག་སྒྲུབ་རྒྱུ་གཏན་ནས་འགྲུབ་མི་ཐུབ་པ་ཞིག་ཀྱང་མ་ཡིན་པར།གྲོང་ཚོ་ཞིག་ལ་ཆ་བཞག་ན། དང་པོ་མི་ཞིག་གིས་གྲོས་མགོ་འདོན་རྒྱུ་ཧ་ཅང་གལ་ཆེ་ཞིང་།གལ་ཏེ་སྡེ་དཔོན་དང་ལས་སྣ་སོགས་མི་གང་རུང་ཞིག་གིས་གྲོས་མགོ་བཏོན་ནས་ཐབས་ལམ་བཙལ་བ་ཡིན་ན།གྲོང་སྡེའི་ནང་གི་སློབ་ཆེན་སློབ་མ་དག་གིས་དང་བླངས་དགེ་རྒན་དང་དངུལ་ཡོད་མཁན་གྱིས་དངུལ་གྱི་མཐུན་རྐྱེན་སྦྱར།ཁང་པ་ཡོད་མཁན་གྱིས་སློབ་ཁང་གི་མཐུན་རྐྱེན་སོགས་སྦྱར་ཏེ།ང་ཚོས་ལས་ཀ་གསར་བ་ཞིག་གི་ངོས་ནས་མཉམ་ལས་ཀྱི་མགོ་འཛུགས་ཐུབ་ཅིང་།མཉམ་ལས་དེའི་ཁྲོད་ནས་ཉམས་མྱོང་མང་པོ་ཞིག་བསགས་ན་སྡེ་བ་མང་པོ་ཞིག་གི་ནང་ལ་གོམ་རིམ་བགྲོད་ཀྱིས་སློབ་ཕྲུག་གི་ཟབ་སྦྱོང་མང་པོ་འཚོགས་ཐུབ་པ་མ་ཟད།དེ་བཞིན་ཁོར་སྲུང་གི་ཟབ་སྦྱོང་དང་འཕྲོད་བསྟེན་གྱི་ཟབ་སྦྱོང་སོགས་འཚོགས་རྒྱུར་ཡང་བློ་བསྐྱེད་ཐོབ་ཐུབ་ལ།མཉམ་ལས་ཀྱིས་ང་ཚོའི་སྤྱི་ཚོགས་ལ་གོ་སྐབས་གསར་བ་དང་ཁོར་ཡུག་གསར་བ་ཞིག་བསྐྲུན་ཐུབ་བོ།

{ང་ལ་གོང་གི་བརྙན་ཐུང་འདི་དག་བཟོ་བར་བསམ་བློའི་མཛུབ་སྟོན་དང་། རྒྱུ་ཆ་འཚོལ་སྒྲུབ། སྒྲིག་སྦྱོར། རྩོམ་འབྲི་བཅས་ཀྱི་མཐུན་འགྱུར་རོགས་རམ་གནང་མཁན་ཡོངས་ལ་སྙིང་ཐག་པ་ནས་ཐུགས་རྗེ་ཆེ་ཞུ་ཞུ། མེ་ལོང་གཙོ་སྒྲིག་པས།}